Dez cores puiden contar,

Luces xuntas, arremuiñadas,

Coma praias nas palmas das mans,

Azuis, Amarelas, laranxas;

Espíritos que non se deixan tocar..

Vidros que cambian, que se mofan,

Retorcéndose sen poder escapar;

Mira sen medo pra o lume,

E veras ó teu vello rapaz.

Mouchos, curuxas, sapos e bruxas

Berran os vellos do lugar,

Cando senten cun brebaxe,

Racha o peito a gorxa,,, e o cantar;

Fóra meigas fora trasnos,

Rezan as herbas sen cansar,

aforcadas sen remedio,

nalgunha porta con mal ollar;

pan de broa, Sardiñas, lumeradas......

Recordos que arden coma leña verde,

Na noitiña de San Xoán

Antón do Carro (1968 - 1987)

chúzame

Como Camilo Sesto, aquí tedes a 6ª entrega do meu xornal de edición propia. Non vos vexo moi animados para escreber comentarios, mais SEI QUE ESTADES AHI. Por que o sei? Polas estatísticas da páxina.

Tamén sei que non tedes moita gana de ler, así que aquí tedes o meu primeiro presente:

Sí, son eles dous: Guadi Galego e Guillermo Fernández. Dous séptimos de Berroguetto, que xa é dicir. Ademáis diso, cada un deles ten os propios proxectos. Non sei se o vídeo pertence ao concerto que algúns de vós outros fostedes ver comigo a Santa Cristina, xa que a escenografía é idéntica en todos os concertos.

Guillermo ten outros traballos á marxe do berro no guetto. Con Xabier Díaz, acaban de sacar o disco Coplas para Icía, no que produce e realiza as mesturas. Tamén é o produtor de Espidos, o disco ao que pertence a canción do vídeo. O seu instrumento como saberedes é a guitarra e ademáis é compositor xunto con Guadi de varios temas xa míticos como 'O alquimista de soños' ou un dos meus favoritos 'Setestrelo'.

Guadi é outro mundo. Os que me coñecedes musicalmente sabedes que lle rindo unha absoluta devoción. Neste vídeo non se aprecian nin unha mínima parte das súas cualidades. O directo é o directo e os que tivemos o pracer de asistir algún concerto seu con Berroguetto, ou mellor aínda, con este espidos ou con Nordestin@s, ficamos de pedra. A emoción que logra transmitir coa súa voz para min é indescriptible. A descalciña é capaz de chegar ata o fondo da alma e facer que se estremeza. Cando colle o micrófono o tempo detense e o mundo deixa de xirar para escoitala. É sentimento en estado puro. E vouno deixar aquí, porque podería pasar así horas e horas...

Despois desta declaración de amor (unha máis non se nota, notase que está perto o Solstício), déixovos unha larpeirada:

Así comezou a lenda.

E por último, a petición popular...

Andrés do Barro en San Andrés, hai 35 aniños. Que gozedes.

chúzame

Benvidos a tod@s (sau2) ao 'Manel News nº 5'.

Os anteriores 'Manel News' foron enviados como correo electrónico, pero atopo que éste método é o máis práctico. Deste xeito non terei que respostar a usuarios que borran correos 'accidentalmente' e despois piden que llos volvas a enviar. Ademáis, ten todas as ventaxas dun documento publicado na rede.

Estas son as razóns para escoller blogaliza e non outros servidores para facer o meu blog. Existen outros coma Blogoteca que poden ser máis doados para os que comecedes, mais blogaliza permíteme personalizar o contido do blogue como eu quero. Ademáis en blogaliza 'hai libertá índa que mande Zapatero'.

Para comezar, unha en inglés con subtítulos en castelán para que o entendades mellor. Aínda así, vénvos ben escoitalo: Steve Jobs, o fundador de Apple, dando unha coferencia nunha graduación da Universidade de Stanford (USA) na que fala da súa vida e rompe con todo.

Éste vídeo ten unha segunda parte.

E seguindo con xente emprendedora, aquí tedes 20 consellos para emprendedores. Por se alguén está pensando en montar o seu negocio.

Máis cousas novas: os podcast. Aquí tedes un vídeo onde o autor do podcast chuzanews, Modesto del Río, o explica. Os chuzanews, que nada teñen que ver con chuza, que vos recomendo son o 29 e o 30. Neles, o seu autor emprega un sistema que graba o que escrebeu antes cunha voz que non é a súa. O acento (sotaque) que se escoita é o portugués galeguizado, así que os queirades viaxar ata Lisboa en Xuño xa o podedes .

Durante o mes Xuño (Junho) teñen lugar as marchas populares, que son desfiles populares moi coridos. Este ano son do 1 ao 3. Do 8 ao 30 é a festa do Fado, polo que haberá moitas actuacións de grandes cantoras.

O fado é un canto desgarrado que sae da alma da xente do Sul de Portugal. Pero aquí ao lado no Norte temos a Quim Barreiros co seu novo éxito. Gozádeo.

E xa acabei por hoxe. Facede moito o amor que guerras xa hai abondas...

chúzame

Ola a todos! Bemvidos ao meu novo blog.

Sí, xa sei que dixen que eu nunca escrebería un blog, mais tiña gana. O obxectivo deste blog é ter un lugar onde poder publicar pequenos tutoriais para ensinar á xente pequenos petiscos sobre este mundo tan escuro da informática. O idioma principal será o galego, aínda que non evitarei empregar o castelán e, quen sabe...

Abonda de cháchara, comecemos!!!

chúzame