Battlestar Galáctica é o nome dumha serie de televisom que me leva enganchado totalmente nos últimos meses. É o 'remake' doutra serie de começos dos oitenta, que muitos lembrarám com nostálgia. Esta nova serie pretende ser umha actualizaçom, ja que nom continua a trama da anterior, senom que a adapta ao gosto do espectador destes tempos.

Ainda que leva ja quatro temporadas desde o 2003 em que começou, o feito de nom emitir-se por estes lares fixo que non puidesse conhece-la até agora. Também ajudou o feito de que nos últimos anos o meu contacto com a "caixa parva" fosse mais que escaso.

Está ambientada num universo fictício no que os superviventes dun holocausto vem-se perseguidos polo espaço polos robots (cylons) que eles mesmos crearom. Tráta-se polo tanto dumha serie para 'frikis' com muitos efectos, ainda que o que prima nela é o componhente humano. As relacións humanas e as súas implicacións son o eijo da historia que se narra, ajudados por excelentes interpretacións.

Do reparto, compre destacar ao sempre genial Edward James Olmos, o famoso tenente Castillo da ochentera 'Corrupçom em Miami'. Só por contar com el, ja merece umha olhada. Ainda que polo que máis destaca é polos seus personajes femininos. A força que amosam é desconcertante. Mesmo foi motivo de críticas por parte de Dirk Benedict, o famoso 'Fénix' do equipo A, que tivo que ver como o seu personaje na serie anterior convertia-se numha piloto desvergonçada e moinante na versom actual.

A estrutura do guión, esboçada em arcos argumentais de poucos episodios que se solapam e o pouco rubor em afrontar temas difíceis fazem de Galáctica umha serie máis que recomendável que será lembrada durante muitos anos.

P.S.: E as robots "cylons" nom estám nada mal.

Cordwainer Smith, pseudónimo de Paul Myron Linebarger, é un desses escritores tam importantes como desconhecidos. Nascido e criado na China, os seus pais pertenciam ao corpo diplomático norteamericano. Esa mestura de culturas influeu moito no seu estilo literario e na súa temática.

Autor só de varios relatos e dumha novela curta de ficçom científica, é todo um referente para os grandes afecionados ao género pola súa capacidade de para recrear todo un universo numha historia curta, no que deixa espaço para que o leitor poida enche-lo e recrear-se nel. Pode dizer-se que as súas obras son aparentemente simples e abertamente extranhas. Algumhas das súas características som:

• Historias singelas, que o autor nom dubida em adiantar nas presentacións, ja que, como ele mesmo diz, "o que contan som os detalhes".
• Toda a súa obra desenvolve-se num mesmo universo e numha mesma linha temporal, ao longo de dezenas de milheiros de danos
• As relacións entre seres humanos e animais entrelázam-se e difumínam-se, algo pouco frecuente no género e na literatura em geral.
• A súa prosa toma o estilo, en ocasións, da poesía lírica tradicional chinesa, da que o autor era um grande conhezedor.
• A pesar de ser de ideologia mui conservadora, o comunismo cientifico está presente continuamente nos seus relatos, em forma de organizaçom chamada 'Instrumentalidade', que vela polo futuro da humanidade e pola súa supervivencia.

A súa obra foi pobremente publicada e traduzida a outras línguas. O notável editor catalán Miquel Barceló publicouna a súa obra completa em forma de tres livros na súa coleçom Nova em castelám. Tamém se pode atopar em coleçons de peto. Tendo em conta que o autor faleceu no ano 66, acho que nom é ilegar descargarse esse material vía torrent, p2p ou algumha web do género.

Umha leitura máis que recomendável, nom só para os afecionados á ficçom especulativa, senóm para os amantes da literatura em geral.

Seica é tempo de mudanças. Agora mesmo estamos vivir, sem decatar-nos, um tempo de cambios. Á crise económica que estamos padecendo a nível global, sumou-se esta fin de semana o troco de governo na Galiza.

A esse troco, escolhido livre e voluntariamente polo povo galego, nom o posso qualificar mais como um contratempo. Um contratempo que pode resultar caro de máis. A um governo que levemente tentava, com muitos atrancos, ser eficaz e solvente, substitúeo outro que ja é corrupto antes mesmo de entrar a governar.

Nom vou ocultar o meu disgusto por esse novo rumbo escolhido polo meu (ainda) povo. Agora nom é tempo para fazer análises detalhadas da situaçom, ja o haverá para faze-lo com calma nos próximos meses. Ainda assim vou realizar ja algumhas mudanças pessoais que vinha posponhendo desde há algum tempo.

A primeira delas podéde-la comprovar lendo esta entrada. Desde agora vou postear máis empregando a norma internacional do galego: o galego-português. Sempre considerei que era um jeito tam válido como a norma "oficiosa" de escrever na minha lingua e a partir de agora vou-na empregar para postear no blogue. Por outra parte, isso non significa que abandone o galego da Reial Academia definitivamente. O tempo dirá.

Para todos aqueles que nom me entendades ou tenhades algumha dúvida, estou á vossa disposiçom para qualquer consulta que me queirades realizar.