Tamén chamado do Mundo Celta outros anos. Como é ben sabido, é o festival de música celta máis importante do Sul de Europa e un dos máis importantes de mundo. Este ano vive un momento de consolidación: despois do crecemento exponencial dos últimos dez anos, agora ten menores pretensións aínda que manteña o nível de calidade nas actuacións. 100.000 persoas  eran demasiadas para unha vila como Ortigueira que conta en todo o ano con pouco máis de 1000 habitantes no núcleo urbano e este ano conta máis ou menos con 60000, que non son poucos.

Para todos os que disfrutamos coa música propia do país e das nosas culturas irmás é, sen dúvida, o acontemento musical do ano. Para outra xente é a convivencia na praia ou a o simples divertimento, máis o núcleo do Festival son as actuacións. Deste xeito, grupos musicais dos paises celtas (Escocia, Irlanda, Illa de Man, Cornualles, Bretaña, Galiza e Asturias, é dicir nacións sen estado cunha presenza cultura forte) comparten escenarios durante 4 días para disfrute dos visitantes ao festival.

Este ano a grande atracción foi o venres, sexta. A orquestra 'Sondeseu', composta por músicos de diferentes formacións galegas de primeira orde acompañados por intérpretes de instrumentos tradicionais fixeron vibrar ao público, que ficou sorprendido pola arrolladora forza desa fusión. Ademáis deles, outros grupos xa tradicionais como Fía na Roca ou os irlandeses Lonely Hearts fixeron disfrutar a todo o público presente. Para hoxe, domingo, o plato forte son os irlandeses The Dubliners, ademáis da cantora  tradicional Uxía.

Para os que non puidestedes vir, aquí vos déixo un vídeo de Sondeseu.

chuzame